Friday, 17 May 2013

Aaj hain sath...!

Kuch batmeez sahi..kuch hain besahram
kuch nadaan se... kuch beparwaah hain hum
fursato mai jee lete hain yeh zindagi ke chaar pal
bheege bheege se bhaage se dosto ke sang
aaj hain sath..na jaane kahan honge sab kal..!

Sath hai sab..tuti futi barishon mai
jazbaat dil ke pure hue.. adhuri si khawahishon mai
badhte kadmo mai..koi manzil gai machal 
yaari ka rang sur chad ke bole
aaj hain sath .. na jaane kahan honge sab kal..!

Mehsoos kiya.. kuch tod dia 
ek duje ke liye.. sab chod dia 
dosti humari machaye kamoshi mai bhi hulchul
rag rag basta hai nasha yaari ka
aaj hain sath.. na jaane kahan honge sab kal..!

Few words dedicated to "school & college friendship" ......  miss you my friends.... our batch.. and our group fun. :) 

copyright, All Rights Reserved 2013, Richa Gupta

No comments:

Post a Comment