Monday, 30 September 2013

Chalti ka naam zindgaani hai.

Doobti hui zindagi ko 
tinke ka sahaara ho jaata hai
badi badi leharo ki bich
kabhi kabhi kinara kho jata hai
par ruko nai.. yeh toh aati jaati ravaani hai
bus piche mood ke naa dekho kabhi
kyu ki ..chalti ka naam zindgaani hai.

Apno se nahi 
kabhi anjaano se pyar milta hai
phoolo pe nahi 
kabhi kaanto se aitbaar milta hai
dard toh maut mai nai.. chubti toh zindgaani hai
ulti sidhi jaisi bhi hai ..badhte jaao
kyu ki .. chalti ka naam zindgaani hai.

Roshni kho jaaye kabi
toh band surang si lagti hai
mil jaaye ek kiran bhi 
toh ek nayi umang si lagti hai
hasna rona ...bus do pal ki yahi kahaani hai
hum rahen na rahen yahan kal.. tum rukna mat
kyu ki .. chalti ka naam zindgaani hai.. !!



copyright, All Rights Reserved 2013, Richa Gupta




No comments:

Post a Comment